Billettinfo: Publikum under 23 år og NMH-studentar og -tilsette: 180

OBS: Oppdatert med line-up. Og FOR en line-up!

Jazzutdanninga ved Norges Musikkhøgskole feirar 20 år i skulens 50-årsjubileumsår. Sånt blir det storbandkonsert av!

Den første jazzutdanninga på høgskolenivå i verda starta, av alle stadar, i Frankfurt i 1928. Av grunner dykk kan rekne ut sjølve, blei dette stoppa i 1933, og den første staden der ein kunne få ein grad, blei North Texas University i 1947. På NMH opna ein etter kvart opp for å gi musikarar med rock-pop-jazz-instrument tilbod om pedagogisk utdanning litt ut på 80-talet, men derfrå til opprettinga av eit eige studium gjekk det ytterlegare 20 år. Så mens NMH feirar 50-årsjubileet sitt, er jazzlinja ein ungdom på snaue 20!

Vi har saumfare listene over tidlegare studentar og sett saman ein bukett som går heilt tilbake til den spede byrjinga tidleg på 70-talet, via dei første pedagogikk-studentane som fylte ped.-rommet med superlokriske herlegdommar – og til singer-songwriter- og impromiljøa som vaks fram i kjelleren i det etterlengta 2. hus. Alt dette og meir til er å finne i og foran kveldens utgåve av NMHs storband, med spreke arrangement frå skolens jazzkomponistmiljø, under leiing av skulens stoltheit, Geir Lysne.

Hald av denne søndagskvelden til ein tur på Nasjonal Jazzscene, vi lover ein kveld for minnebøkene!

Vi har ein fabelaktig line-up med supre solistar, og det arrangeres låtar til Beate Lech, Live Maria Roggen, Lage Lund og Leah Engevold i skrivande stund. Maestro Geir Lysne er klar som eit egg!

Shannon Mowday, Morten Halle, Atle Nymo, Sivert Stette, Maja Kallstrøm, David Hveem – saksofon
Richard Køster, Hayden Powell, Øyvind Mathisen, Eira Øveraas, Markus Dyrud – trompet
Helge Sunde, Even Skatrud, Magnus Murphy, Jens Koppang, Victor Middleton – trombonar
Erlend Skomsvoll – piano
Markus Kaardal – gitar
Håkon Huldt Nystrøm – bass
Magnus Sefaniassen Eide – trommer

Foto: Helge Lien

Arrangør er Norges Musikkhøgskole, likevel gjelder sesongkort for Nasjonal jazzscene!